सखे...
तू नसतांना...
मध्यरात्र उलटून गेलेली,
अंधार बाहेर बसला होता.
माझीच वाट पाहत कदाचित...
तरीही पाऊले बाहेर काढली
अन चालत राहिलो
अंधारचं पांघरून घेतलेल्या
वाटांवर... कारण
या वाटा भेटत असतात
एकमेकांना...
म्हणूनच तर...
अंतहीन असतात,
ही गावं, ही शहरं
तू ही असशील
जोवर, मी आहे
ठाऊक आहे मला
दोन समांतर रूळ
कधीही भेटणार नाहीत
एकमेकांना...
म्हणूनच चढलोय मी,
त्या रुळांवर
निर्धास्त धावणाऱ्या गाडीत.
अंधारातली वाट सोडून...
नेहमीचा आपला दुसरा डब्बा
त्या गाडीतली गर्दी
निर्मनुष्य भासते मला...
त्या गाडीतला गोंधळ
ऐकूच येत नाही
इथे आपली भेट,
होऊच शकते
नेहमीसारखी
आत्ताही
जर ठरवलस तू...
मग... भेटतेस ना..!!
वाट पाहतोय मी.
बघ कुठलं स्टेशन
तुला जवळ करता येईल...
©___नित
तू नसतांना...
मध्यरात्र उलटून गेलेली,
अंधार बाहेर बसला होता.
माझीच वाट पाहत कदाचित...
तरीही पाऊले बाहेर काढली
अन चालत राहिलो
अंधारचं पांघरून घेतलेल्या
वाटांवर... कारण
या वाटा भेटत असतात
एकमेकांना...
म्हणूनच तर...
अंतहीन असतात,
ही गावं, ही शहरं
तू ही असशील
जोवर, मी आहे
ठाऊक आहे मला
दोन समांतर रूळ
कधीही भेटणार नाहीत
एकमेकांना...
म्हणूनच चढलोय मी,
त्या रुळांवर
निर्धास्त धावणाऱ्या गाडीत.
अंधारातली वाट सोडून...
नेहमीचा आपला दुसरा डब्बा
त्या गाडीतली गर्दी
निर्मनुष्य भासते मला...
त्या गाडीतला गोंधळ
ऐकूच येत नाही
इथे आपली भेट,
होऊच शकते
नेहमीसारखी
आत्ताही
जर ठरवलस तू...
मग... भेटतेस ना..!!
वाट पाहतोय मी.
बघ कुठलं स्टेशन
तुला जवळ करता येईल...
©___नित